एका गाण्याची किंमत| Value of a song


      एखादं गाणं आवडतं म्हणजे काय होतं? ते ऐकताना छान वाटतं? मन भावनिक होतं? की आणखी काही? शब्दांवर विशेष प्रेम जडलेलं असलं की, 'नझ्म नझ्म' सारखं गाणं चटकन आपल्या आवडीचं बनतं.. अशातच एकदिवस प्री wedding साठी हेच गाणं घ्यावं का असं फोटोग्राफर विचारतो.. नाही म्हणायचा संबंध येतच नाही.. आता लग्न होऊन दोन महिने होतील.. सुुजित ट्रेनिंगला गेलाय. त्याला बाय करणं तसं जडच, मग घरात आल्यानंतर बिल्डिंग मध्ये कोणीतरी हेेच गाणं मोठ्याने लावलं होतं. मला उगीचच भावनिक होण्यात अर्थ नाही असंही वाटलं पण असं वाटेेपर्यंत आनंद, जुन्या आठवणींना उजाळा, आणि त्या आठवणी दाटून आल्यावर फक्त लिहायला घेणं एवढा एकच पर्याय समोर शिल्लक दिसला. हे तर फक्त एक उदाहरण झालं. प्रत्येक प्रवास धिंगाणा घालणाऱ्या गाण्यांनी सुरू होतो, आणि त्याचा शेेेवट कसंही गाणं असलं तरी तो प्रवास संपू नये असं आपल्याला वाटून शांत करणारा असतो. एक गाणं इतकं महत्त्वपूर्ण ठरावं यासाठी किती लोकांचं योगदान त्या मागे असतं. गीतकारापासून, गायक ते संगीतकारापर्यंत... आजचा Arko, कालचे जावेद, लता, रफी साहब, उदित नारायण ते श्रेेेया, मोनाली, आतिफ, अरिजीत, अजय, शफाकत अली अशी एक ना अनेक नावं.. प्रत्येकच क्षण जगायला मागे एक गाणं वाजत असतं..          

        कुुुठेे एक गाणं कानी पडलं आणि मी आजवर आवडलेली सगळी गाणी आठवून हे लिहायला घेतलं. हिच का ती गाण्यातली ताकद? जी आपल्याला सगळं सोडून असं बेभान व्हायला लावते.. हिच असेल ना आपल्या आयुष्यातील गाण्याची किंमत जी संपूर्ण जगाला शब्द आणि सूर एक साथ जगायला शिकवते..

Comments

Post a Comment

Popular posts from this blog

यश आणि स्वप्न

Image
      एक चक्र असतं. त्यात जेव्हा यश आणि त्यामागे धावण्याची तजवीज नसते तेव्हा ताणतणाव कमी असतो. Stress management च्या ट्रिक्स मध्ये एंटरटेनमेंट, socialise होणं हे पर्याय असतात. पण हे पर्याय आपण बाद करतो, जेव्हा आपल्याला यश हवं असतं. असं वाटतं एकदा यशस्वी झालो की, हे पर्याय वापरू. पण कदाचित, यश चक्रव्युहासारखं आपल्याला या पर्यायांपर्यंत पोहोचू देत नाही.  रोज़ रोज़ आँखों तले एक ही सपना चले रात भर काजल जले, आँख में जिस तरह ख़्वाब का दिया जले|          एका स्वप्नासाठी आपण काय नाही करत? बर्‍याच गोष्टी त्याग करतो. जेव्हा त्या स्वप्नाचा काही अंश तरी पूर्ण होतोय असं वाटतं,  तेव्हा मात्र आपलं खाजगी आयुष्य तेवढेच अंश विस्कळित झाल्यासारखं भासतं.           मी आणि किरण, कदाचित आम्ही अवास्तव स्वप्न पाहिले असणार. पण जेव्हा केव्हा स्वप्नांच्या सीमेपर्यंत पोहोचतोय असं झालं, तेव्हा आयुष्यात ज्याच्या सोबत कायमचं राहायचं असं ठरवलं होतं, त्याच्याच पासून दूर राहतोय.         मला तर आता माझ्यात तितकं वाईट वाटा...
Read more

पायवाट

Image
  आपण एका खेडीप्रधान देशात राहत असल्याने, लांबच्या प्रवासात एका ठिकाणाहून दुसऱ्या ठिकाणी जातांना अनेक गाव- खेडी, त्यातली शेती, असं बरंच काही (थोडक्यात शहरापासून लांब असलेलं) लागतं. त्यात छोटे छोटे रस्ते दिसतात. खरं, रस्ते नाहीत, पायावटाच त्या. नुसतंच मोबाईल फोन मध्ये फोटो काढण्यात धन्यता मिळणार नाही असे. असं वाटतं गाडीतून उतरून ही वाट आत्ता चालायला घ्यावी का? पण नाही ना चालता येत. ना ते गाव माहित असतं, ना तो रस्ता, ना त्याचं शेवटचं टोक. ह्या आवडणाऱ्या गोष्टी आपल्याला कुठे नेणार असतात कधी कळतच नाही. आवड मात्र प्रत्येक प्रवासात तशीच आणि तितकीच राहते.           हे रस्ते किंवा पायवाटा जगायची वेळ येते, तोपर्यंत जबाबदाऱ्या वाढून, आयुष्यात मिळणारा वेळ कमी होऊन, आपण धरलेली एकच वाट जगण्यात, धन्यता मानू लागतो. म्हणजे पूर्वी वाटतं की जगण्यात थोडा समतोल साधता आला की, या छोट्या छोट्या सुखाच्या गोष्टी पाहिजे तेव्हा करत जाऊ. आणि समतोल साधला जातोय असं वाटू लागलं की, वेळ पुरत नाही.       या पायावाटा पण दुसरं तिसरं काही नसणार. त्या वेळेचा हिशोब मांडत...
Read more

Dopamine

  साधारण दहा वर्ष झाली, शब्द आणि संगीत याबद्दल आमची पिढी सुद्धा तक्रार करू लागलीय. तोवर, एक गाणं कितीदाही ऐकलं तरी त्याचा वीट यायचा नाही. आता लुप वर एकच गाणं लावण्याची हिंमत होत नाही.      अशीच काही वर्ष झाली, आयुष्यात तोवर करत असलेल्या गोष्टींचा कंटाळा यायचा नाही. आता, जीवच मुळी जगतांना किती तळ्यात मळ्यात असतो. मग आपला जीव ठिकाण्यावर नाही हे लक्षात आलं की, सगळ्या गोष्टीतून रस जातो. त्यातूनच, भावना जन्माला येते की -आपलं जगणं इतकं अरसिक कसं असू शकतं? त्या तळ्यात मळ्यातल्या जीवाला घरात कधी आणावं?       संसार, नोकरी ह्या रहाट गाड्यातून घ्यावी मग एक सुट्टी आणि लावावं गाण्याला लूपवर. अर्थात, जगावं मनमुराद. आंबा, जांभूळ किती दिवस झाले अधाशासारखे खाल्ले नाही? काय तर, फक्त पोटाला त्रास होईन म्हणून. होतोच. पण आता सुट्टी टाकलीय तर करताच येईल काहीतरी जुगाड.  किती दिवस झाले शांत आकाशाकडे एकटक पाहायचं राहिलंय? काय तर हल्ली निपचित निवांत पडून राहावंसं वाटतं फक्त. कारण एवढी उसंत मिळणं पण महाग झालंय. कोण म्हणतंय चार रील्स पाहून dopamine व...
Read more